مراجعة Overwatch: اهم 3 شغلات لازم تعرفها
وقت اسمع بلعبة Overwatch كنت فكر بشغلتين:
1 – ضحكو علينا: أعلنت بليزارد انو اوفرواتش لعبة مجانية وفجأة اعلنوا انها مدفوعة (للاسف)
2 – شركة محترمة: بالنسبة الي ان كان عندها لعبة بنمط جديد (اوفرواتش – هيرثستون) او اطلاق جزء منتظر لسلسلة العاب قديمة (ديابلو – ستاركرافت) فممكن ننتظر 5 سنين واكثر بين الجزء الاول والثاني بس بالاخر بيعطونا قصة حلوة, طريقة لعبة مسلية و عروض سينمائية رهيبة !
وبالحديث عن العروض السينمائية , لازم تترك اي شي عم تعمله هلئ وتشوف هالفيديو:
هيك كانت إفتتاحية الحفل الخاص بلعبة اوفرواتش يلي دعتنا عليه شركة Blizzard Europe بمدينة دبي وهي دعوة خاصة لمواقع العاب الفيديو العربية وتجربتي كالتالي:
لعبة اوفرواتش هي خليط عجيب من Team Fortress مع نمط اللعب Call of Duty
كيف ؟ رح اشرحلكم:
اهم ميزة باللعبة انك بتقدر تغير لاعبك بأي وقت من المبارة وكل لاعب عنده ميزات و اسلحة وخواص مختلفة عن الثاني, هالشي ذكرني بلعبة Team Fortress , فئات اللاعبين هي:
– فئة الهجوم : مقسومة بين أطلاق نار سريع – او قناصين
– فئة الدفاع : يمكنهم بناء رشاشات الية و مدفاع اوتوماتيكية.
– فئة المقاتلين: Tank مهمتهم تلقي الضربات عن باقي الفريق وانشاء دروع
– فئة الدعم او Support ومهمتهم تكتيكية مثل تطبيب اللاعبين أو ضع سحر على الخصم لإضعافه الخ..
الاسلحة متنوعة جدا : مسدسات , رشاشات كهربائية , قاذف RBG , قناص وغيره.
انماط اللعب بتشبه لحد كبير لعبة كول اوف ديوتي وعددها اربعة , بس فعليا في نمطين اساسيين :
Escort : الفرق المهاجم لازم يوصل بضاعة من نقطة A للنقطة B والفرق المدافع لازم يحبط العملية أو يأخرها لبين ما يخلص زمن المبارة.
Assault: الفريقين لازم يسيطروا على نقاط و يدافعوا عنها
Hybird: مزيج مبارة يبدأ بنمط Escort وبينتهي بنمط Assault
Control: سلسلة مهمات ضمن الخريطة بتشبه نمط Assault
تجربتي بهاد الفيديو مع شخصية Reaper من فئة الهجوم , عنده اكثر من خاصية منها التحول لدخان بيعطيني سرعة بالحركة , لا حد بصيبني ولا انا بصيب حدى ومناسبة للانتقال من مكان لمكان اثناء المعركة.
لعبنا ضمن فريقين واللاعبين محررين من مواقع مثل
Arab Harware, GameVolt, VGStation, DvlzStation, Power League Gaming, Gamer Snack, Gulf News, Region2 و شباب من فريق Blizzard Europe.
واضح اني Noob وماعرفت العب بكونترولر البلايستيشن, ولاني كنت عم اخسر كان لازم حط الحق على الطرف الثاني وقول انه غشاش ومجرب اللعبة من قبل وهاد الي ساويته على انستاغرام مع علاء من موقع Dvlzstation:
اللعبة حتكون متوفرة بنمط Open Beta بتاريخ 3-مايو/آيار على منصات PC / PS4 / Xboxone و فيها 21 شخصية مختلفة
أكيد منوزع عليكم نسخ مجانية فتأكدوا من متابعة الموقع و فيسبوك و تويتر و انستاغرام
يا ترى ممكن نشوف اوفرواتش بين العاب الرياضة الالكترونية ؟
بحسب ما قال لي Bo Selmer Hansen من بليزارد انو الشركة بتهدف لتكون اللعبة منافسة لBattlefield – CSGO و COD بس هل ممكن اللاعبين المحترفين يتقبلوا فكرة تغير نمط اللاعب اثناء المبارة؟ اذا كنت بتعب دوتا او ليغ اوف ليجندز ممكن تكون ببداية اللعبة Support و بعدين تصير AP ؟ الايام بتكشف هالشي.
طيب بالمختصر: هل اللعبة حلوة ؟
ايجابيات : تغير اللاعبين باي وقت وبغير مجرى المبارة بشكل سريع وبيعطي اللاعبين حماس ومتعة مستمرة
سلبيات : حركة الاعبين بطيئة , اللعبة بحد ذاتها مابتقدم شي جديد.
اشتريها ؟ : مممم , انا شخصيا ما بتصور اشتريها اول ما تنزل وكنت بفضل لو ضلت مجانية Free-to-Play بكل الاحوال اكيد مارح اشتريها على اكسبوكس او بلايستيشن, هيك لعبة لازمها كيبورد وماوس 🙂
رسومات اللعبة عالبلايستيشن مقبولة وفيكون تشوفو الدقة الكاملة بالضغط على الصور:
كان من المفترض ان يقوم الزميل رامي بعمل المراجعة لكن للاسف ما حضر الدعوة, لا تنسوا تتابعو لعبه الاحترافي بلعبة Overwatch على قناته في يوتيوب
